Stöck, Wiis, Steech - Songtext

1. Dr Chef im Gschäft wott nor s’Beschte vo Deer
   Qualität ond Quantität – jo bitte sehr
   Dr Chond esch dr König – met ond ohni Chrone
   Z’obe füesch Du Dee wie ne usprässti Zitrone

   Ref.
   Du weisch ou noch em gröschte Storm chonnt d’Sonne weder före
   Hesch weder mou dr Öberbleck ond gseehsch ganz gnau döre
   Hesch Zitt för Dee… ond för chli Spass
   Velech get’s sogar met dr Grossmueter e Jass            

2. D’Politik, die esch fasch so, wie nes Seilizieh
   Was emmer Du ou machsch, töune passt das nie
   Ööbelang hocksch zäme, wottsch s’Beschte nor för d’Lütt
   Was de druf tuesch ghöre – es sigi aus för nütt

   Ref.
   Ou noch em gröschte Storm chonnt d’Sonne weder före
   Hesch weder mou dr Öberbleck ond gseehsch ganz gnau döre
   Hesch Zitt för Dee… ond för chli Spass
   Velech get’s sogar met dr Grossmueter e Jass

3. Ond bisch emou deheim, wettsch nome haa Di Rue
   Settsch öbbis met de Chend onternäh, se wösse ned was tue
   Dr Rase hesch scho lang nömm g’mäit ond s’Onchrutt settsch usriisse
   Wösche settsch ond s’Outo wäsche, s’esch doch grad zommmmmmm…

   Ref.
   …mmhhh
   Velech get’s sogar met dr Grossmueter e Jass (2x)

©by Hufi @ Hufimusig

zurück